فلا تحسبن الله غافلا...!

إمبارح كان يوم حلو أوي!

ساعات/ كتير الواحد بيجاهد نفسه عشان يقرا ورد القرآن بتاعه...
بالنسبة لي بقى
لما بتكون سورة إبراهيم في الورد
كل حاجة بتتغير

يعني
حتى لو ما قدرتش أمسك المصحف
بقرأها علي طول حتى لو ماشي في الشارع
لإنها الحمد لله حفظاني مش أنا اللي حافظها!

جميل إننا نقرأ القرآن...
والأجمل فعلا إننا نقرا القرآن وإحنا ماشيين في الشارع
طبعا مش عشان الشارع أكثر سكينة وهدوءا من البيت
بس لإن في الشارع البنى آدم بيحس بيه
وبيكون تأمله ليه مش تأمل مجرد بعيد عن الواقع الواقِع
لأ

القرآن موجود مش عشان نتبارك بيه ونحطه في صندوق دهب
لأ برده

المفكر العبقري مالك بن نبي كتب كتاب اسمه
"الظاهرة القرآنية"

بيتكلم فيه عن القرآن كظاهرة لا كما نتعامل معه: مجرد نص...
اتكلم برده عن التدبر الإحيائي للنصوص...
وكيف نطبق "إقرأ القرآن كأنما عليك أنزل"...
والأهم إنه اتكلم كمان عن تفاعل البشر مع النص
وكيف أن العقيدة -كما علمني أستاذي- الصحيحة لا تكون إلا فاعلة
فالعقيدة لا تكون في حياة الناس إلا
لكي تدفعهم وترفعهم
لتكون النتيجة النهائية الإحسان والتحسين الحضاري
وإلا هناك خلل ما
إما في العقيدة
أو فيمن يحملونها

يللا الحمد لله

أسيبكم مع أحلى جزء في سورة إبراهيم