[ إضاءات ]

"من علمني حرفا... صرت به حرا" أستاذي سيف الدين .....| | | | |..... "هناك فرق بين أن تكون عالما، وأن تكون إنسانا" كولن .....| | | | |..... "إن الدعاة اليوم لا يفتقرون إلي الإخلاص... وإنما في كثير من الأحيان إلي الحكمة" أستاذتي هبة .....| | | | |..... "الاجتهاد مبدأ الحركة في الإسلام" محمد إقبال .....| | | | |..... "الطاقة الإبداعية بحد ذاتها مطلب شرعي ومقصد إيماني‏" فالإبداع "صنو الاجتهاد، ورديف له، من الصعب أن ينفك أي منهما عن الآخر" طه جابر العلواني .....| | | | |..... "ولا تزال الدنيا عامرة وديار المسلمين في سلام ما أخبتت النفوس وهبطت ساجدة تردد: "رب زدني علما" محمد أحمد الراشد .....| | | | |..... السياسة ما كان من الأفعال بحيث يكون الناس به أقرب إلى الصلاح وأبعد عن الفساد، وإن لم يشرعه الرسول -صلى الله عليه وسلم- ولا نزل به وحي، فإن أردت بقولك: لا سياسة إلا ما وافق الشرع: أي لم يخالف ما نطق به الشرع فصحيح، وإن أردت ما نطق به الشرع فغلط وتغليط للصحابة" الإمام ابن عقيل الحنبلي .....| | | | |..... "طلب الحرية مقدم علي تطبيق الشريعة... تقديم ترتيب، لا تقديم تفضيل" فهمي هويدي .....| | | | |..... "الإنسان المعاصر إنسان ذو بعد واحد، فاقد الهوية، وصاحب نزعة استهلاكية، وقليل الحساسية تجاه الغير، ويعاني عزلة وضياعا، وهو أسير المرحلة الراهنة، والسرعة الفائقة، والوقائع السريعة الكفيلة بأن تُنسيه ما قبلها، وتتركه يتحفّز لما بعدها" مدرسة فرانكفورت .....| | | | |.....

الخميس، ربيع الآخر 23، 1428

أبوك قفش عليك؟ اعمل اعتصام في أودته، أو طلع له مظاهرة!


- يا عبد الرحمن... عبد الرحمن... يااااا عبد الرحمااااان...

كنت نايم علي سريري جنب سلحفتي، وبعدين سمعت حد بينادي عليا...

إيه ده؟... ده أبويا!

نعم يا أبي...

- بص يا عبد الرحمن، قرار غير قابل للمناقشة، وغير قابل للمراجعة: تخرج زي ما تخرج، بس تكون هنا قبل العصر!

ماشي!

آثرت الانسحاب في صمت، وتفادي أي حوار مع أبي في وهو علي هذا الحال من الثورة والغضب...



- - - - -



وبعدين؟

تاني يوم، أبويا دخل البيت حوالي الساعة واحدة -باليل طبعا-، وراح علي أودته من غير ما يكلمني، بس هو لقاني مستنيه هناك، رغم إني كنت نايم في أودتي!

- إيه يا عم ده، عبيط الواد عبدو ده ولا إيه؟

لأ لأ عيب!
هوا أنا صحيح ساعات -الحقيقة غالبا- ببقي عبيط، بس مش للدرجة دي!

حل اللعز ده ببساطة إن دادي دخل أودته لقي ده في وشه:



[ قرارت غير قابلة للمناقشة/ المراجعة = كرارات غير قابلة للتنفيذ ]

- - - - -



- كده انتهي الفيلم!
لأ، طبعا!

البداية بقى إني في الفترة الأخيرة كنت مشغووووول حبتين، من تسعة أو عشرة الصبح مثلا، لغاية اتناشر واحدة برة البيت، وما كنتش باكل كويس، وكمان -وهو الأهم- مكنتش بروح جلسات العلاج الطبيعي بتاعتي...

ماي فاذر -اللي بأناديه يا أبي- مكنتش بشوفه تقريبا؛ باعتبار إنه برة البيت طول النهار وزلفا من الليل، أما مامي -اللي بقولها أماه- فكنت ساعات بشوفها، لما بأكون أنا وهي في البيت؛ حيث أنها ساعات بتكون في المركز بتاعها -مركز ...-.


- - - - -

هما طبعا ليهم حق في أنا مقصر في حاجات كتييييير، بس اللي هما فاهمينه ومتأكدين منه تو هندريد في المية إن الأسلوب ده مش بينفع، وعلي رأي أبو الغزالين ما بياكلش -خصوصا- معايا...
من الآخر كده -وعلي رأي أبو الغزالين برده- محدش يحاول يتعاطى معايا بالطريقة دي!
والأغرب إن هما اللي علموني كده، فميصحش حد ياخد قرارات لشخص آخر يفترض به أنه راشد وبالغ وعاقل، بالذات بقى لو مطرقع ومهيس زيي كده.

يومها ما كانش ينفع اتكلم معاهم، لكن بعد ما علقت الورقة دي الموضوع انتهي خالص -أو هكذا أظن-، كإنه ما حصلش!

فلو أبوك/ ي قافش عليك/ ي اعمل/ ي اعتصام في أودته، أو طلع/ ي له مظاهرة!

هناك 7 تعليقات:

محمود سعيد يقول...

حلو النظام الجديد ده

الواحد مجربش قبل كده يعمل وقفة صامتة أو لافتات وكده

كان كله زعيق ومظاهرات :-)

أحمد عبد الفتاح يقول...

فكرتني بالذي مضي
كنت بستخدم الاسلوب ده من 7 سنين مع امي
بس كنت بحب الاعتصام في البلكونة وكنت بنام فيها بالايام لحاد لما ينصاعوا لرايي

Zengy يقول...

واحشني يا عبده و الله

إسأل مرة عليَّ يا مان

:D

Abdou Basha يقول...

كان الله في العون وسدد خطاك

اسمك عبدالرحمن

على اسميييي :)

انا كنت افتكرت الاسم ده اتلغى خلاص، رجعت لي الأمل تاني

زميلك عبده باشا

Sanaa يقول...
أزال المؤلف هذا التعليق.
عمرو طموح يقول...

لا يا عم....

أنا مسااااااااااااالممممممم جدا مع السلطات المنزلية في هذه الأوقات...

انت عارف.. الحمد لله معندناش حاجة اسمها من غير نقاش.. دايما في نقاش هادف جدا... له هدف وحيد... و هو اقناعك...و أحلي حاجة لما يكون المنطق دايما ضدك، و إذا انت معترض علي "الـ"منطق، يبقي انت مش قادر تفهم... هو بصراحة في أحيان كتيرة بيبقي المنطق سليم... بس برضه ده ميمنعش إنك عاوز تعمل حاجة تانية ، و مش شاف إنها غلط برضه... عادي يعني... مأجرمتش في حق الإنسانية..

و مش بعيد، لو حاولت أعمل مظاهرةوللا اعتصام... اخواننا في الصين يلاقوا حاجة اسمها عمرو مرمية عليهم فجأة كده....

خللي الامتحانات تعدي علي خييييييييييييير الله يرضي عليك:))))

عبدو بن خلدون يقول...



يللا

في

داهية