[ إضاءات ]

"من علمني حرفا... صرت به حرا" أستاذي سيف الدين .....| | | | |..... "هناك فرق بين أن تكون عالما، وأن تكون إنسانا" كولن .....| | | | |..... "إن الدعاة اليوم لا يفتقرون إلي الإخلاص... وإنما في كثير من الأحيان إلي الحكمة" أستاذتي هبة .....| | | | |..... "الاجتهاد مبدأ الحركة في الإسلام" محمد إقبال .....| | | | |..... "الطاقة الإبداعية بحد ذاتها مطلب شرعي ومقصد إيماني‏" فالإبداع "صنو الاجتهاد، ورديف له، من الصعب أن ينفك أي منهما عن الآخر" طه جابر العلواني .....| | | | |..... "ولا تزال الدنيا عامرة وديار المسلمين في سلام ما أخبتت النفوس وهبطت ساجدة تردد: "رب زدني علما" محمد أحمد الراشد .....| | | | |..... السياسة ما كان من الأفعال بحيث يكون الناس به أقرب إلى الصلاح وأبعد عن الفساد، وإن لم يشرعه الرسول -صلى الله عليه وسلم- ولا نزل به وحي، فإن أردت بقولك: لا سياسة إلا ما وافق الشرع: أي لم يخالف ما نطق به الشرع فصحيح، وإن أردت ما نطق به الشرع فغلط وتغليط للصحابة" الإمام ابن عقيل الحنبلي .....| | | | |..... "طلب الحرية مقدم علي تطبيق الشريعة... تقديم ترتيب، لا تقديم تفضيل" فهمي هويدي .....| | | | |..... "الإنسان المعاصر إنسان ذو بعد واحد، فاقد الهوية، وصاحب نزعة استهلاكية، وقليل الحساسية تجاه الغير، ويعاني عزلة وضياعا، وهو أسير المرحلة الراهنة، والسرعة الفائقة، والوقائع السريعة الكفيلة بأن تُنسيه ما قبلها، وتتركه يتحفّز لما بعدها" مدرسة فرانكفورت .....| | | | |.....

الجمعة، رمضان ٠٩، ١٤٢٨

إلي العالم الفيبساوية... وبعدين معاكو؟!


من صباحية يوم الأحد اللي فات -16 سبتمبر 2007-، اللي هو أول يوم كلية، وأنا قلبي عامل دوشة!
تقريبا زعلان وبيعيط!
مش عشان
جنود أمن السلطة البواسل اقتحموا بيتنا، ولا عشان أبويا معتقل بقاله بالظبط شهر دلوقتي وأنا بطرقع هذه الكلمات -الأحد 16-...
ناهيك -حلوة دي- عن إني المفروض مبسوط حبتين، وأمّر بحالة من البهججة المصحوبة بالفرحة المتلغوصة بالسعادة؛ حيث إني أخيييييرا بعد أكثر من 13 شهر، رجعت طالب محترم تاني!

الحكاية وما فيها تستلخص في إني لما رحت
الكلية الفيبساوية اكتشفت إني خلاص سِبت -مفيش حد المرة دي عشان الناس زهقت بقى- دفعتي القديمة، وبقيت في دفعتي جديدة.
إني
أسيب دفعتي القديمة وأبقى في دفعتي الجديدة، شيء كنت متأكد منه من ساعة ما أجّلت السنة اللي فاتت؛ نتيجة لظروف صحية، علي أعقاب معركتي الفظيعة مع الميكروباص -كنت هأقطّعه إربا إربا لولاش بس السواق بن اللذينا خدني علي خوانة أو علي حين غرة-...

وكفاية أساسا إن
عمرو القلة هيبقى معايا...
بس اللي اكتشفته إن الكلام حاجة، والإحساس حاجة تانية خالص!


لسا فاكر


لسا فاكر نظرية الانحراف اللي طلتعتها "شلة المنحرفون الجدد" في إحدي ليالي الشتاء الباردة من أمام الكلية الفيبساوية بزعامة المنحرف الأكبر: ميرو، وأعوانه المتآمرين: حودة وزيكا وطيفة ووائل، والعبد لله كان منقب الدهب اللي اكتشف تلك المواهب الانحرافية المبكرة -هنحكي علي النظرية دي بعدين-...
لسا فاكر أول مرة اتعرفت علي التابعي بيه، كنا رايحين نضرب سنكوشتين في مؤمن أنا وهو ووائل...
لسا فاكر لما اتعرفت علي سارة أول مرة من كام شهر، بعد ما كان ببقالنا أكتر من سنتين في دفعة واحدة، وقالت لي كنت فاكراك مش عارف إيه كده...
لسا فاكر حمدشي وإحنا واقفين مع بعض، قاعدين نتسنكح أو نستسكعكع قدام الكلية بنبص لبعض ومش لاقيين كلام نقوله من كتر غلبنا قبل امتحانات سنة تانية...
لسا فاكر المعلم ميرو وإحنا في محاضرة التنظيم مع دكتور حسن نافعة وهو قاعد يتكلم معايا طول المحاضرة، وبعدين يقعد يسأل الدكتور قال يعني منتبه قوي يا قلة...
لسا فاكر نهال ونايري بعد محاضرة الفكر السياسي العربي المعاصر وهما قاعدين يدوروا علي ورق عشان العرض بتاعهم...
لسا فاكر أمينو وجيدو وحودة وزيكا وطيفة وكيمو وميرو ووائل وإحنا قاعدين في سيلانترو بنشرح لبعض نظرية...
لسا فاكر ألفي وهو مبسوط أوي في أول الترم التاني في سنة أولي عشان هناخد كمبيوتر، للأفس هو جاله انكساح في الأنا الداخلية والخارجية واللاتينية كمان بعد ما شاف الطريقة اليونانية في تدريس القامبطوطر...
لسا فاكر ثنائيات الفكر السياسي العربي المعاصر اللي درسته مع أستاذي في سنة تانية، فاكر أكتر ثنائيات الدفعة: آية وسلمى، أماني ومها، سناء وضحى، نايري ونهال...
لسا فاكر أول مرة اتعرف علي سيسو وعاشور: كشري التحرير سعادتك... زود الدقة، شطة قليلة!


أحلى دفعة...

آية وسلمى، آلاء، أحمد بتاع إحصاء، أحمد محمودز اللي إيديه إتجزعت وهو نازل يسجد من كتر الخشوع، ألفي الكبير، أماني ومها، إنجي، إيناس، إيهاب، باسم، بلال، بيلي، تابعي بيه، حمدشي، خليل اللي مش بيرضى يصور لحد حاجة، خولي، دعاء اللي في إحصاء، دعاء اللي في سياسة، دينا، رزان، ريم، ريم، زناتي، زيد الفتحاوي، زيكو، سارة، سارة، سارة، سولوم أو إسلام، سمر، سمر، سمية، سناء وضحى، سيسو اللي بيقولوله ياسين، شيرين، شيرين، طيبي، طيفة، عاشور عاشور عاشور، عبجواد، عبظاهر، عمر، عمرو، عمرو، عمرو، فضّولة، قصب، كريم، لميا، ماجد، ماجد القلة، مايا، ماهي، محمود اللي بياكل الكتب، مصطفى الرفيع، مصطفى الأرفع، مصطفى اللي مش رفيع، مصطفى بتاع اقتصاد اللي لا رفيع قوي ولا تخين قوي، معتز اللورد الكبير الذي تجري في عروقه الدماء الأرسترقراطية، مي، مي، مي، مي، ميرو المنحرف، مينا أو مينوز، مينا اللي مش مينوز، نايري ونهال، نصر بتاع اقتصاد، نصر بتاع سياسة، نيفين اللي لسا عارفها النهارده، هادي جدا، هالة، هبة، هيثم، وائل عصام فتحي عبده السيسي اللي بحبه...

مع السلامة!




أعظم دفعة...

آيات، آيات، آية، أبو صلاح، أسماء، أسيل، أمة الرءوف -باللام-، أمنية، أنور، إيمان هانم، إيناس هانم، إيهاب القلة، ابتهال، تامر، توفيق، حسين، خالد عاشور عاشور عاشور، خالد بيه عصام، داليا، دينا، رحمة، ريم، سارة، سارة، سامي، سلمى، سلمى، شهرت، شورى أو ديمقراطية، شيماء -بالألف واللام-، عبغفور، عربي، علي، عليبة بيك، عمرو، عمرو، عمرو -معلهش بقى يا شق! خد مكانك في الطابور-، مايكل، محسن، مجدي، محمود، مراد، مروة أو دينا، ميجا، ميرال، ميدو، نسمة، نورا، هبة الله، هديل، هيمة القلة فيري ماطش، وفاء، يوسف...

أهلا بيكم!


هناك ١٠ تعليقات:

محمد رفعت يقول...

ياعم
بص
من الآخر
يعني
from last
أنا مش هقولك أي حاجة
لأنك
من الناس
الخنيقة
اللي الظروف السيئة
أو المشاعر الحزينة
أو الرسائل السلبية
مش بتأثر فيها

وانت عيل كدة رزل
وغتت
ولا بتحوق فيك عدد 5 طن رسائل سلبية
أو محاولات اكتئابية

يلا
سلام

مصطفي النجار يقول...

معلش يا عبدو علي كلام ابن رفعت بس ما تاخدش علي كلامه كفاية انه في كلية اعلام
انا فعلا مقدر احساسك أكيد صعب
بس ما تقلقش ايام وهتاخد علي زملائك الجدد
وهيبقوا هما بيئتك ومحيطك ومحتمعك الذي
تنطلق فيه
الموضزع فعلا مش سهل بس الحمد لله
احنا كنا فين وبقينا فين
حمد ا لله علي سلامتك واوعي تحاول
تاخد تارك من الميكروباص
بالعربية احسن ماما هتوريك اللي
عمرك ما شفته
وعام دراسي جميل ان شاء الله

إنسان || Human يقول...

دعوة لكل المدونين ..للإشتراك في إقتراحات لتدوينة في حب الرسول صلى الله عليه وعلى إله وسلم..للرد على الإهانة بكل اللغتين العربية والإنجليزية

غير معرف يقول...

لمياء وشرين ... حوكه ...زيكا الخ ... جعلتنى اتنفس عبق الذكريات ... و اعيشه و كانى لم اكبر بعد

غير معرف يقول...

عبدو بن خلدون , عبدو الذى سيظل محفورا بداخل كل قلب وكل عقل عرفه وقابله حيث بقوا هم فى ذاكرته ولم ينسى أحد فى تدوينته منهم , عبدو كلنا سواء كنا الدفعة الأصلية أو الدفعة الجميلة اللى جيه واللى هتكون فيها بجد بنحبك ومهما حدث من أقدار عاصفة ومغيرة للظروف البيروقراطية فلن تتغير مشاعرنا الحية تجاهك , فيا من غيرت فينا أشياء وزرعت فينا أخرى بديلة وجميلة فنحن جميعا نشكرك وسنظل نتذكرك متواصلين معا , إلى أن يتوفى الله الأرض و من عليها , إنى أحبك فى الله يا بن خلدون .

عمرو طموح يقول...

قال لي المحبوب لما زرته *** من ببابي قلت بالباب انا

قال لي اخطات تعريف الهوى *** حينما فرقت فيه بيننا

ومضى عام فلما جئته *** اطرق الباب عليه موهنا
قال لي من انت قلت انظر فما *** ثم إلا انت بالباب هنا
قال لي احسنت تعريف الهوى *** وعرفت الحب فادخل يا انا

هييييييييييييييييييييييه... أنا و عبدو في دفعة واحدة... بس كده الدفعة دي هتصعب عليا قوي... يعني مكانش كفاية أنا... لا و كمان الحتة الكبيرة... يللا ربنا يعينهم

عبدو يا قلة،

مش هقولك كلام كتير عن التجربة، لأنك أكتر واحد تقدر تتكلم عنها، كل اللي عاوز أقولهولك هو... خد عندك يا شخصية منحرفة.... إيه خد مكانك في الطابور دي...؟؟؟؟!!!!!

يابني أنا من وأنا في كي جي و أنا بأقف دايما أول واحد في الطابور... عشان كانوا بينظموا الطابور دايما الطويل جدااااا أدام و الطويل بس ورا (و بما إني الطويل جداااا،فكنت بقف أدام... فاهم حاجة؟!) عشان كده أنا بعتبر نفسي دايما الشخص اللي المفروض الدنيا كلها تنتظم عليه... مش بانتظم وفقا لأي قواعد خارجية أخري... فاهم وللا...؟!

و يللا يابني من هنا.... هش.


حاجة كده علي جنييب... بن رفعت، انت يابني وقعت من جيب مين؟؟؟؟؟ ده إيه الحاجات اللي بنلاقيها في الدرج دي... لما أشوفك بس.

غير معرف يقول...

كيف حالك أيها المتخلدن؟
حسبتك بخير يا فتي من تهييساتك المتمتعة!

ذكرتني بتجربتي، العام قبل الماضي.
حين استخدمت بعضاً من استعباطي واصتبياني واستفراغي وأجلت نصف سنه!
متسألنيش ازاي؟!

دفعتك الحقيقية لن تنساها، كما فعلت، ستري في الجديدة أنهم لا يليقوا بسيادتك، لكن مع مرور الأيام ستفعل مثلي، وستتعود علي بعضاً منهم ليس الكل..

ستقابلهم كثيرا وسيحبوك أكثر، تذكر أنه كلما بعدت عن مقربين لك ازدادوا قرباً ورغبة في لقياك!
"حكمة خرجت من مخيلتي المترمضنة"

تشجع يا فتي وخض غمار مغامرة
إن المغامرات للمغامرون سبيلاً

وعاشت كليتكم الفيبساوية حرة أبية
تحيا مصر

غير معرف يقول...

اجمل من ده كله هو فعلا انك عرفت تحب اصحابك بجد وعلشان كده انت زعلان انك هتسبهم والاجمل من كل ده ان في ناس وهي بتقراء التدوينه دي من حبها ليك كانت بتبكي علشانك لانها اكيد بتحبك كانسان او كصديق واجمل حالات الحب انك تحب بشوق ومن غير ما حد يقولك انه بيحبك او انت تقوله وعلشان كده فعلا انت انسان انا احبه

ياسر مدني ...دينامو الإخوان يقول...

أدعوكم لإبداء الرأي في فوازير رمضان الشعريه(خلق وصحابي)للشاعر وليد الرفشي
ولا تنسوا
1-المشاركه
2-إبداء الرأي
3-مقترحات

غير معرف يقول...

أخت عبدو

مع إن الرد متأخر أوى ،، بس...

إنت قدها وقدود يا عبدو ، وربنا معاك يا أخى بإذن الله.

شد حيلك ، وأكيد هتلاقى فى الدفعة الجديدة أصحاب وأحباب كتييييير .. مع أصحابك فى الدفعة الجديدة.

أختك سمية