[ إضاءات ]

"من علمني حرفا... صرت به حرا" أستاذي سيف الدين .....| | | | |..... "هناك فرق بين أن تكون عالما، وأن تكون إنسانا" كولن .....| | | | |..... "إن الدعاة اليوم لا يفتقرون إلي الإخلاص... وإنما في كثير من الأحيان إلي الحكمة" أستاذتي هبة .....| | | | |..... "الاجتهاد مبدأ الحركة في الإسلام" محمد إقبال .....| | | | |..... "الطاقة الإبداعية بحد ذاتها مطلب شرعي ومقصد إيماني‏" فالإبداع "صنو الاجتهاد، ورديف له، من الصعب أن ينفك أي منهما عن الآخر" طه جابر العلواني .....| | | | |..... "ولا تزال الدنيا عامرة وديار المسلمين في سلام ما أخبتت النفوس وهبطت ساجدة تردد: "رب زدني علما" محمد أحمد الراشد .....| | | | |..... السياسة ما كان من الأفعال بحيث يكون الناس به أقرب إلى الصلاح وأبعد عن الفساد، وإن لم يشرعه الرسول -صلى الله عليه وسلم- ولا نزل به وحي، فإن أردت بقولك: لا سياسة إلا ما وافق الشرع: أي لم يخالف ما نطق به الشرع فصحيح، وإن أردت ما نطق به الشرع فغلط وتغليط للصحابة" الإمام ابن عقيل الحنبلي .....| | | | |..... "طلب الحرية مقدم علي تطبيق الشريعة... تقديم ترتيب، لا تقديم تفضيل" فهمي هويدي .....| | | | |..... "الإنسان المعاصر إنسان ذو بعد واحد، فاقد الهوية، وصاحب نزعة استهلاكية، وقليل الحساسية تجاه الغير، ويعاني عزلة وضياعا، وهو أسير المرحلة الراهنة، والسرعة الفائقة، والوقائع السريعة الكفيلة بأن تُنسيه ما قبلها، وتتركه يتحفّز لما بعدها" مدرسة فرانكفورت .....| | | | |.....

الأربعاء، ربيع الآخر ٢٤، ١٤٢٩

إنهم ميتون!








كان الوقت مساء بعد صلاة العشاء، وقنديل زيتي ضخم يتدلى من وسط السقف معلقا في سلسلة معدنية مزدوجة، الجميع يخيم عليهم الصمت، وتوهج القنديل ينعكس علي وجهه فيشي بما يعتمل في نفسه من انفعالات شتي...



إنه لا يعرف كيف يتلقى الأمر، ولا كيف يزنه الوزن السليم، كل شيء في هذا العالم من حوله مضطرب متناقض، والحياة تمضي علي نسق غريب يثير التقزز والغثيان، أشياء كثيرة تؤرقه وتؤلمه، ولطالما حلم بالتغيير... لكن كيف؟!



إن العجز يحاصره من كل مكان، لكأنما قيدت يداه ورجلاه بقيود لا فكاك منها، لا... بل إن روحه هي الأخرى يشعر وكأنها سجينة مقهورة لا تستطيع التحليق والانطلاق، لطالما فكر في أن يثور... أن يحمل سلاحه وينطلق في شوارع القاهرة وميادينها ومسامرها ليسحق الرءوس العفنة، ويحطم كل القيم السخيفة التي تشعره بالذل والهوان..



لكنه وحده!



آه! التجربة... الناس كثيرون، والسخط يملأ القلوب، والألسنة الثائرة تعبر عما يجيش في القلب من تمرد مكبوت... لكن عندما يجد الجد يحدث الشلل!



ذلك المرض الخبيث، يقف الناس مطرقين عاجزين، الخوف يقيدهم، والرهبة تخرس ألسنتهم، فقد أيقنت غالبيتهم أنه لا جدوى من أية تضحية... الناس نائمون مخدرون... لا... لا...


إنهم ميتون!





نجيب الكيلاني_نابليون في الأزهر



هناك ١٦ تعليقًا:

محمود سعيد يقول...

كنت منبهر أن الجمال ده يكون تأليفك

بس طلع فى الآخر لأديبى المفضل نجيب الكيلانى ، ومقرأتش الرواية ديه للأسف

رواياته نادرة دلوقتى أصلاً

بس تقريباً هما مش ميتون وأيام نابليون والله أعلم مكانوش ميتون

Heba Mohamed يقول...

رائعة تلك الكلمات التي اخترتها للرائع نجيب الكيلاني.


جزاك الله خيرا

Heba Mohamed يقول...
أزال المؤلف هذا التعليق.
عمرو طموح يقول...


و الله يابني...

لقد أسمعت لو ناديت حيا..

ولكن لا حياة لمن تنادي

فلماذا تهاتي!!

...

لولا أن الله يحيي الأرض البوار بعد مواتها.. لأقسمت أن هذه الكائنات لن تكتب لهاالحياة... فلنكن الغيث الذي تبعث به هذه الارض حية!

Hend.feps يقول...

طب ليه كدا بس .... لو احنا ميتيين يبقى اللى عايز التغيير ينتحر و يخلص نفسه .... لسة فى أمل .... لسة فى حياة .... لسة فى نفس .... فى امل اننا نفهم و نفوق و نصحى .... على الاقل انا عندى امل انى افهم و بعد كدا احاول اخلى شوية ناس تانية تفهم و نحلم كلنا بالتغيير ...يمكن فى كسل بس مش موت ...

Sanaa basha يقول...

كله فى وقته
لما اول مرة عرفت ان جدى اتقتل ...أفتكرت البلد هتثور ...هتغلى...هتقلب تزعق تجيب آخر الملك وابراهيم عبد الهادى والاندال الى وراهم ...ماحصلش .
لما مندريس فى تركيا اتشنق لمجرد توجهه السياسى ...وكل الشعب عارف انه مظلوم ومتأكد من اخلاصه لوطنه ...وما حدش اتحرك ..برضه افتكرت نفس الدرس.الاتنين كانت جنازاتهم عبر.
الدرس هو انه مش وقته.التاريخ احيانا بيترك للأبطال فرصة التفرد بالألم الى أقصى حد ..فتعرفهم بعد كده بالإسم ..وأحيانا يترك للشعوب نفس الفرصة...فتعرفهم بحكاوى الجندى المجهول والقبر اللى مش عارف مين فيه ، غير انه رمز لعزة شعب وكرامة انسان.المعيار هل ده وقته؟ ...لازم تكون القضية دى قضية شعب بأكمله ..لو أن كائن منهم لسه مش شايف ان حياته فى كفة ميزان والحرية والكرامة فى الكفة التانية ..عشان الكائن ده وبسببه بس ..التاريخ هيدى البطولة واللألم لفرد او افراد قلائل ..والشعب يفضل فى ذله وقهره ...لحاد ما يفوق ..وكله يفوق اللى نايم ، ويخلقوا من تانى معيار الصح والخطأ ، الحق والواجب ،ولحاد ما الأم اللى فى آخر نجوع الصعيد وشرق البلد وغريها تفطر عيالها على ان لقمة العيش دى لو ملكتها وكان تمنها ذلك وقهرك وفقرك ومرضك ..ماتخدهاش ..واشترى كرامتك ...وحريتك ولو بحياتك ...وقس عليه من هنا لحاد 30 سنة ادام ..وشوف ساعتها ايه اللى هيحصل.
القضية قضية شعب وانسان ,بس المعركة مش معركة شعب لحاد تلوقتى

عبدو بن خلدون يقول...

ماشي يا كابتن محمود
...
المفروض تنبهر برده
إنني خليتك ما انبهرتش
وحافظت علي اللا كوامن التاريخية
الموجودة عندك سليمة زي ما هي

وما تسألنيش يعني إيه البتاع ده
لإن محدش يعرف
!

عبدو بن خلدون يقول...

رؤية هانم
إنت أروع -نسبة إلي روعة
وأروأ -نسبة إلي رؤية

عبدو بن خلدون يقول...

عمرو
...

لنكن الغيث
- - -
عندي خاطرة
- - -
حاسب لا تتبل
!

عبدو بن خلدون يقول...

هند

هما ميتين
ده شيء أكيد

بس في أمل
ده شيء أكثر تأكيدا

!

عبدو بن خلدون يقول...

سناء باشا

أول مرة أحس إنك بجد بتعلقي

:)

Sanaa basha يقول...

ليه هو انا كنت بانشر غسيل قبلها

Hend.feps يقول...

طب ما هو انا كدا مبقتش فاهمة اى حاجة فى البوست دا كله بتعليقاته بسلطاته ببابا غنوجه حقا ... لا تفشل ابدا يا عبد الرحمن فى انك توصلى احساس ان قدراتى العقلية فى الفهم بتضمحل ... مش فاهمة

عبدو بن خلدون يقول...

سناء باشا

لا سعادتك قبل كدة ما كنتيش بتنشري غسيل

كنت بتلمي المشابك

:-

عبدو بن خلدون يقول...

هند هانم

لا طبعا
قدراتك العقلية مش بتضمحل ولا حاجة
إنتي فاهمة كل حاجة

ممكن نقول إن التدوينة دي ناقص نصها التاني
كمان كام يوم إن شاء الله

بس الفكرة هي
أكيد إحنا ميتين
الشعب ميت
لكن فيه أمل أكبر
لإن الميت هيصحى
ولإنه فعلا بيصحى

فلازم نبقى فاهمين واقعنا كويس

فلا نحلق بعيدا عن الواقع ونتعلق بسراب خادع أو أمل زائف

وفي ذات الوقت لا ننغمس فيه فنصاب باليأس

وإنما من قسوة الواقع ننتزع حلمنا وفي سواد الليل ننادي فجرنا

وأهي الدنيا تلاقي
!

Unknown يقول...

awl ma aret el kalam dah I felt down betare2a sa3ba awy!!!3aref aknak masalan tkon mekasel tshta3'al bas lma 7ad ylfet nazarak ta5od balak enk f3lan mekasel we nayem!!!
bas el moot dah 7aga sa3ba awy....el mot ya3ni mafeesh amal...afadal a2ol e7na naymeen..bas tawlna kteer...we 7ans7a isa... hena b2a yegy dor el masba7 ely fe awl el note...aham 7aga enena n3taref en 3andena mshkela mn el asl.....
thx for sharing..