أطلقوا رفعت... سننتصر لو بعد حين!
"يقتاده رجل الامن... وفيه يده القيد... فيما يلوح هو بيمناه... تهييسا وفرحا وأملا وعزما"
هكذا عبر شلبي، ولكن البداية كانت قبلها بأيام...
منذ عدة أيام تعرض "ابن رفعت" المدون والناشط الطلابي لمطب صناعي حيث اعتقلته قوات الأمن المصرية، دون أية أسباب أو مبررات قانونية من أي نوع، حيث داهمت قوات الأمن ليلة الاثنين منزل رفعت، وصادرت حاسوبه ومجموعة من كتبه، لم يكن محمد بالمنزل، اتصلوا به وأخبرهم أنه "مش هاينفع يجيلهم دلوقتي" و"هايجيلهم الصبح"...
محمد رزعوه خمستاشر يوم علي قلة ذمة التحقيق، وبلا أسباب سوى مبررات سخيفة من قبيل التحريض علي الإضرابات عبر المدونة والفيس بوك، وشوية حاجات تانية بلا معنى إطلاقا...
آخر الأخبار
- الثانية بعد منتصف الليل .. ليلة 21/ 7: أمن الدولة تحت إمرة الرائد هشام توفيق يداهم منزل محمد ويتحفظ على جهاز الكمبيوتر الخاص به ، بالاضافة الى الكثير من الاوراق الخاصة به وبعض الكتب لكن محمد لم يكن في المنزل .
- الساعة 11 قبل الظهر يوم 21/7 : يذهب محمد الى مقر امن الدولة بمدينة نصر ، ليتم التحقيق معه .
- الرابعة عصرا ، يتم اصدار قرار بتحويل محمد الى سجن ليمان طرة لمدة 15 يوم دون عرضه على النيابة العامة .
- يوم 24 / 7 : يعرض محمد على النيابة العامة بالتجمع الخامس ويتم توجيه تهم (( التحريض على التظاهر في ذكرى الثورة وتوزيع منشوارت تضر بالامن العام امام المساجد ومهاجمة السياسة الخارجية للدولة )) اليه ، بناء على مذكرة تم تقديمها من قبل احد ضباط امن الدولة .
- قرابة الساعة الحادية عشرة والنصف : يتم اصدار قرار من النيابة العامة يقضي بحبس محمد رفعت بيومي 15 يوما على ذمة التحقيق .
إلي محمد
محمد، أنا بحبك كتير، فرح أحمد بكرة هايكون وحش آخر حاجة من غيرك، وكمان عايز أفكرك إن كل ده هيعدي في ثواني، وهتفضل الذكرى الجميلة، ذكرى التحدي والانتصار، مش إنك تدخل 15 يوم وتطلع، لو بصينا علي أي حد مناضل بجد هنتكسف من نفسنا، لكن انتصارنا علي نفسنا... اليومين دول أجمل فرصة تراجع فيها نفسك وتفكر في المستقبل، في البوصلة والساعة، وكل حاجة...
محمد: كن إنسانا أفضل!
إلي أهل محمد
صابرين وحامدين وشاكرين... الحمد لله، محمد هايرجع لكم ولنا أحسن من الأول، لإنه هايرجع ومعاه أهم شيء: نفسه هو... ما تخافوش وما تقلقوش!
إلي كل إنسان
سنبقى علي طريق الحرية صامدين، معا، نصنع بالأمل أحلى حياة، هذا عهدنا: ما دام الأمل طريقا فسنحياه... فإما وجدناه بأيدينا صنعناه، فيحيا الميتون، ويأتي الضياء، ويذهب الليل إلي غير رجعة، وتعود العصافير إلي أعشاشها في سكون عذب، وصمت جميل!
هناك ٦ تعليقات:
حسبنا الله ونعم الوكيل
هيخرج قريبا ان شاء الله وكله هيتنسى الا حاجة جميلة بتتكون جوا الانسان مبتتنسيش وبتفرق معاه فى حياته كلها
لكن اسلوبهم غريب ومش مفهوم
بس هوه من امته اللى بيعملوه مكانش غريب
عموما فى التدوينة بتاعت مادام الامل طريقا فسنحياه
هو قايل نتعاهد ..نتعاهد..نتعاهد
يبقى ادها وادود ان شاء الله
ربنا يعينه واهله
ربنا يفك أسره عن قريب
ويعود إلينا سالماً وقوياً
روحه أملٌ رغم الألم
وحياته حلمٌ رغم القيد..
ya ibn elzina ya ref3at .. mabrook 3alik el fos7a bta3et tora de .. da segn gamed awi >> gowaah 2atr zai el malahi belzabt >> rabena ygma3o ma3 el 3askaria
qeshda 3alik ya ibn ref3at walahi ,mabrook 3alik el thawab wel fos7a
حسبنا الله ونعم الوكيل
باذن الله يخرج قريبا
إن شاء الله راح تخرج يامحمد وكلها أيام وهتعدى بس أهم حاجة أنك تقوى إيمانك وما تضعفش مهما صار معاك و أنت قدها وقدود ودايما وأبد الأمل موجود وغدا يوم أخر إن النصر الله قريب
إرسال تعليق