[ إضاءات ]

"من علمني حرفا... صرت به حرا" أستاذي سيف الدين .....| | | | |..... "هناك فرق بين أن تكون عالما، وأن تكون إنسانا" كولن .....| | | | |..... "إن الدعاة اليوم لا يفتقرون إلي الإخلاص... وإنما في كثير من الأحيان إلي الحكمة" أستاذتي هبة .....| | | | |..... "الاجتهاد مبدأ الحركة في الإسلام" محمد إقبال .....| | | | |..... "الطاقة الإبداعية بحد ذاتها مطلب شرعي ومقصد إيماني‏" فالإبداع "صنو الاجتهاد، ورديف له، من الصعب أن ينفك أي منهما عن الآخر" طه جابر العلواني .....| | | | |..... "ولا تزال الدنيا عامرة وديار المسلمين في سلام ما أخبتت النفوس وهبطت ساجدة تردد: "رب زدني علما" محمد أحمد الراشد .....| | | | |..... السياسة ما كان من الأفعال بحيث يكون الناس به أقرب إلى الصلاح وأبعد عن الفساد، وإن لم يشرعه الرسول -صلى الله عليه وسلم- ولا نزل به وحي، فإن أردت بقولك: لا سياسة إلا ما وافق الشرع: أي لم يخالف ما نطق به الشرع فصحيح، وإن أردت ما نطق به الشرع فغلط وتغليط للصحابة" الإمام ابن عقيل الحنبلي .....| | | | |..... "طلب الحرية مقدم علي تطبيق الشريعة... تقديم ترتيب، لا تقديم تفضيل" فهمي هويدي .....| | | | |..... "الإنسان المعاصر إنسان ذو بعد واحد، فاقد الهوية، وصاحب نزعة استهلاكية، وقليل الحساسية تجاه الغير، ويعاني عزلة وضياعا، وهو أسير المرحلة الراهنة، والسرعة الفائقة، والوقائع السريعة الكفيلة بأن تُنسيه ما قبلها، وتتركه يتحفّز لما بعدها" مدرسة فرانكفورت .....| | | | |.....

الخميس، شوال ٢٧، ١٤٢٨

مملكة الجنة... تاني!



أهلا!
الأصدقاء الأعزاء اللي ما قدروش ييجوا العرض، والناس اللي كانت فاكرانا هنعرض الفيلم وما قروش
التدوينة اللي فاتت... العرض كله هتلاقوه هنا، العربي والإنجليزي، نزلوه واتفرجوا، وكمان للجميع الحق في إعادة عرض الشرائح -بيسموها slides- في أي مكان.
كذلك انتظروا في الفترة القادمة التدوينات: "أساسيات الاجتماع الإنساني"، "هل الغيب مفهوم علمي؟"، "الفرودس المفقود".
قشطة؟

هناك ١٢ تعليقًا:

Hend.feps يقول...

طب مش كنتوا تصوروا و تنزلوا المحاضرة على اليوتيوب بدل ما البنى أدم فاهم نص نص او ربع تلت تربع كدا ....

ربنا معاكم يا زملاء

فى غلطة صغيرة بس ...
what is thought
continuous
process

معكوسة

Unknown يقول...

كانت موضوع كلام الناس فى الكلية و لحد دلوقتى

محمود سعيد يقول...

فى إنتظار الموضوعات القادمة

وكويس إنك نزلت العرض هنا
علشان نعرف نشوفه :-)

عمرو طموح يقول...

يا هند العرض اتصور... بس كبير... و عشان ينزل علي يوتيوب لازم يبقي أقل من عشر دقايق... لسه هنشوف هنعمل فيه ايه...

و الغلطة دي... ل كنتي حضرتي كنتي شوفتي د/ عبد العزيز و هو فرحان فينا قوي إنها غلطة مطبعية و بتاع... يللا الحمد لله

بس أهم حاجة... فهمتي حاجة؟؟؟

Sanaa basha يقول...
أزال المؤلف هذا التعليق.
Sanaa basha يقول...

اتبسطت اوى
بجد
كان اول مرة الواحد يجرب علاقة من النوع ده مع واحد زى د.عبد العزيز.مع ان السنة اللى فاتت كنا فى كورس التظرية وحاولنا نعمل زى محكمة مع وضد لموضوع الحجاب بتاع فاروق حسنىنبس بجد ،كنا اتبهدلنا عشان نطول معاد من الدكتور ،وفى الآخر اديتنا بتاع 20 دقيقة مالحقناش نعمل فيهم حاجة عدلة.زعلت جدا ،لكن المرة دى ممكن نعمل حاجة كويسة ان شاء الله فى النظم الأفريقية ،مع انى لا اعتقد ان هوايا واقع فى حاجة غير النظرية بس يللا كله تفتيح دماغ ، كله كسر للنمطية ،اى فرصة لاستنشاق هواء معرفى صحى وحر ،كله من الآخر ناس مشتاقة تمارس انسانيتها ،وتحترم- فى تجربة فريدة - عقولها،فى وقت كدنا فيه ننسى ان عقولنا محترمة ،من كتر الزبالة اللى بتتفضى فيها.والله الواحد قرف!عندنا دكتور عجيب ،هو مستنيك السنة الجاية ،يا رب تنضف الكلية من أمثاله قبل ما يخربها اكترنبقى متضايقين من أبلة فضيلة ،طب ربنا يلطف وماتشوفوش عمو سحس اللى عندنا.
حاجة تانية
كنت وصلت فى نهاية سنة تانية الى حالة من القرف مع مادة الفكر ،الى الحد اللى خلانى أكلم نفسى فيها ،كنت فعلا قرفت من كل حاجة بناخدها مع هذا الشخص ،فكانت تجربة جديدة بعد سنة ونصف انى ارجع تانى اسمع الكائن الغريب ده مرة تانية.
حاجة برضه كمان
عجبنى ان فى ناس من كليات تانية جت ،وان كنت اعلم انه مش نتيجة البروباجندا الجيدة لكنها العلاقات الشخصية ،بس برضه حلو!
اللى بعده
اتبسطت اوى من شرح الأفكار بالرسم ،بجد بجد ،انا كنت بارسمها بالرصاص ،وغالبا كل ورق الفكر عندى هو كمية دوائر وأسهم واشكال والوان عجيبة ،لكن خدت بالى انها ممكن تبقى حلوة برضه على الباوربوينت ،وان كنت لا أثق كثيرا فى ارتقاء هذا البرنامج الى مستوى االذاتية والانطلاق اللى بتخرجه أصابعى لما ارسم رسمة موضوع ،عموما ،اتبسطت وخلاص
بعدين تانى
عاوزة ورقة التقييم اللى مشيت قبل ما تتوزع.ماعرفش ليه بس احساسى انى باستفيد لما اقيم حد اكتر من لما بافيده (شوفتوا النفعية )
ولسه برضه نقطة ردود فعل د.زيزو ،بجد بجد ،ممتع! بيستثير فيا كوامن البتنجان
ايه تانى
اه
كل سنة بقولكوا السنة اللى جاية بشعة وبتاع
،والله يا عمرو كل سنة فعلا عندى تجربة جديدة ،وفريدة،لدرجة انى زعلان عشان مش كتبت مذكراتها ،عموما هحاول افتكر فى كام قعدة صفا ،افهم بس ايه اللى حصل ،واللى مضى من العمر ده طلعت منه بايه ،ورايحة بيه فين،وعاوزة اعمل بيه ايه ،وكان بصفة عامة تطور للأمام ولا للخلف .عاوزة اشطب الحسابات المتعلقة،وهاشطبها قريب،يإذن الله.فمش تاخد كلامى معيار ،انا لا اصلح لأحد معيارا يا بنى
أخر حاجة
زعلان من كام حاجة كده ،محتار نقلقان وخايف ،ادعولى
سلالم
انا مبسوطة برضه

Hend.feps يقول...

هو حقيقةً انا مش فاهمة اوى يعنى ... و الاعتراف بالحق فضيلة .... و حكاية اليو تيوب دى محلولة ... قصقصها و نزلها أجزاء ... أى نعم انا معرفش أقص حاجة بس بشوف ناس بتعمل كدا ... اللى يسأل ميتوهش برده

و كمان بدل ما دكتور عبدالعزيز يفرح فيكوا و انا اسخف و اعلق على الغلطة تانى مكنت تتفضل و تصلحها قبل ما تعملها upload

يللا حصل خير ... و ان شاء الله أحضر العرض القادم

دهاء سياسي يقول...

السلام عليكم و رحمة الله و بركاته

اولا جزاكم الله خيرا على العرض الى شفته فى الكلية ده كان ممتاز بدرجة كبيرة بدايه من اللحظة الى حضرتى دخلت فيها المدرج لحاد ما مشينا..

فى حاجه على جنب بس مهمه .. الملف الى حضرتك منزله هنا مش شغال او بمعنى اصح فيه error

فياريت تشوف الغلط فين .. ولو حد فتح معاه الملف و اشتغل يقول يمكن تكون المشكله عندى ..

على كل .. جزاكما الله خيرا كثيرا على المجهود الى شفناه ده .. و بارك فى كليكما يا رب :)

عمرو طموح يقول...


طيب نشوف مين الل علق كده

سلوي،

و الله يافندم ده شرف لينا ، بس الأهم من إنه الناس تتكلم.. هي بتتلكم بتقول إييه؟؟ يا رب يكون خير.

--

محمود بن سعيد،

يللا، عقبال ما تفهم الكلام ده كده:)

--

سناء باشا،

يا بنتي الجو المعقم اللي انتي عاوزاه لعقليتك ده مش موجود في مصر خااااالص، و لا في أي حتة تانية، أهم حاجة تعرفي تنتزعي أحسن ما هو موجود في السياق العبكري اللي اتفرض علينا و ماخترناهوش... فمثلا علاقتك مع شوية أساتذة عباقرة عندنا انتي اللي بتحكميها و بتفرضيها عليهم... أهم حاجة تعرفي مفاتيح الشخصية اللي بتتعاملي معاها عشان تعرفي تديها اللي هي عاوزاه و تاخدي منها اللي انتي عاوزاه..

أنا سعيد انك كنتي مبسوطة.. يا رب تفضلي سعيدة كده علي طووووووول

ورقة التقييم هتبقي تاخديها، بس الأهم منها ملاحظات خارج إطار الورقة... هكون سعيد إني أسمعها منك

ربنا يفرج كربك، و يزيل همك، و يرشدك و ينير بصيرتك، و يكتبلك الأمن و السلامة و الطمأنينة... و أنا كمان يا رب.

--

هند،

هنحاول ننزله علي يو تيوب أو أيتها موقع للفيديوهات... في أقرب فرصة إن شاء الله

--

دهاء سياسي ذات نفسيتها،

مبسوط ان العرض كان مقبول لشخصكم الكريم...

و أنا نزلت الملف مخصوص، رغم إنه عندي طبعا يعني، بس نزلته عشان أتأكد إنه شغال، و تبين بالفعل إنه شغال زي الفل... مش عارف بأه الخلل فين، عموما هبعتهولك علي الميل إن شاء الرب

سلام لكل البشر

غير معرف يقول...

عزيزي عبدوووووووووووو
عزيزي عمروووووووووووو

انا عجبني الموضوع جدا و نفسي كان الناس تتناقش في الموضوع
لكن زي ما الي حضرو المحاضرة العربي عارفين ان العملية اتقلبت في الاخر لتزيف و وانتقلت الي مرحلة مطلقة النسبي
و منسبة المطلق
يهني تحولت هراء
تبا لهم
و تحيا مصر

امداء
حنظلة

عمرو طموح يقول...

إيه يا عم حنظلة،

بالراحة علي نفسك شوية

مش كده

احنا هنروح القسم دلوقتي و كل واحد هياخد حقه تالت و متلت

متعملش في نفسك كده بس

و تحيا الظيطة... هيييييييييييه

امضاء

مهيساتي:)

غير معرف يقول...

معلش أنا عارف إني داخل غلط :)... بس ممكن حد يبعت نص القصيدة اللي في الأغنية لو عنده مصدرها؟
...وجزاكم الله خيرا