تروح جنينة الحيوانات سعادتك!
إمبارح اللي اتفرج علي الجزيرة الساعة اتناشر أكيد شاف حلقة "تحت المجهر"
اللي كان عنوانها عن [المدونون... الصحفيون الجدد] إخراج الكابتن الزميل البراء أشرف
...
ملاحظتين بسرعة كدة عشان مفيش وقت خالص
لإننا نمر حاليا بما يسميه بعض الطلبة بـ"أزمة ما بعد أزمة منتصف التيرم"
تلك اللحظات التي تشعر فيها بأنك المطلوب رقم واحد للدكتور
تكليفات
علي أبحاث
علي محاضرات مالهاش لازمة
علي قراءات إضافية
وقشطة يا معلم
بس
ما علينا
الملاحظة الأولى مش فاكرها
وده غالبا شيء كويس لإنها كانت مش مهمة
أما التانية
فهي تعقيب أكتر منها ملاحظة
أو ممكن تسموها مساعدة إنسانية من مواطن
لمواطن تاني
أحد المواطنين
-جدا-
كان بيطلب وضع قيود وفرض رقابة علي المدونين
باعتبار إنهم ناس ممكن يكونوا كخة
وسأل سؤال مثلا
لما حد يقول علي كلب أروح لمين؟
أظن إن عندي إجابة
تروح جنينة الحيوانات سعادتك
بس خلاص!
هناك ٨ تعليقات:
تروح تونس نظرا لن ساركوزك قال ان تونس بلد الحرية
و نظرا كما قال القائل نحن ندرس السياسة و ممنوع علينا نمارسها بما اننا من القلة التي انعم الله عليها بالمعرفة
حتي لا نلوث المعرفة بالتفكير
علينا ان نتحول الي بلاليص معرفية
اخي المدون ارجوك ابتعد عن الشارع و السياسة و التفكير ابن التيت الذي سيودي بك الكفر و اليعوذ بالله , اغلق عينك و احسس معي بالماء حولك , لتستيقظ لتقد نفسك قد تحولت الي دورة مياة للجميع " مبولة " يع .
يمكن مش عارف السكة
!!!
اعذروا الناس بأه
والله صح
هو إيه اللي محيره كده يعني!!؟
واحد قال عليه كلب .. يروح جنينة الحيوانات وما يصدعناش!
..
بس أعتقد نوعيته مش مطابقة للمواصفات
مش هيقبلوه!
عبدو بيك
سلامتك أولا
لعلمك بقى ما دام ساركوزي قال تونس بلد الحرية، يبقى تعرف إنها بقت مهلبية...
أما إحنا فزي ما إنت عارف
رسالة الكلية عندنا علف قطعان من الحمير ذات الكفاءة الاقتصادية
ومعايير جودة التعليم قصدي العلف
هي زي ما إنت عارف برده
يعني ننهق كويس، نكست لما يدوسوا علي ديلنا، نشوف اللي هما عايزينه
والبقية تزحف
والناتج زي ما إنت قلت
قلل معرفية عايزة الكسر
لعنة الله علي ابن التيت
لعنة الله علي التيت ذات نفسه
أما بالنسبة للبتاعة اللي إنت غرقت بيها المدونة فلو سمحت فيه إماكن للحاجات دي
عذرا سيدي المواطن
cucuse me
غفرانك غفرانك غفرانك
!
الفجرية هانم
طب حد يدلوا طيب
دي حاجة تقرف
إسلام ناجح
أهلا أولا
تصدق دي مشكلة ما خطرتش علي بالي
إنه مش مطابق للمواصفات
دي مشكلة حقيقية
وأتاريني برده بسأل نفسي من زمن هي ليه الكلاب الضالة كترت في الشوارع
أتاريها مش مطابقة
"اسفوخص"
وفي رواية أخرى
"تبا له"
!
بدأتا احب ان اقول بالاصالة عن نفسي و بالنيابة عن زملائي تبا و سحقا لكل ظالم و مستبد .
و تحية لكل انسان يسعي من اجل الانسان سوا ء اكان مدوننا ام زبال ام عالم ام عالمة في ذلك العالم المتعولم.
و نداء لكل انسان له عينين و معاه موبايل او كاميرا او قلم ان يفضح كل وغد حقير ظالم مستبد . و سحقا لك ظالم .
لكي نكون شهداء مش مشهود علينا
و ختام ادعوا كل مؤمن بأي حاجة ان نبتهل لنجعل لعنة الله علي الظالمين
لتحل لعنة الله علي كل ظالم حقير
إرسال تعليق